HStAOrient5a: 64r

İkinci Sūre‑i Fetḥüñ āḫirinde Muḥammadun rasūlu llāh āḫir‑i āyete varınca. // Ve Sūre‑i Yūsufda yedi ḥarf vardur müteḥarrik biri // biri yanında raʾaytu aḥada ʿašara kawkaban gibi ve Sūre‑i Hūdda // dört mīm vardur birbiri yanında ʿalā umamin mimman maʿaka // gibi. Ve iki mevżiʿda kelime‑i maqlūbe vardur birisi Sūre‑i // Yā‑sīnde kullun fī falakin birisi Sūre‑i Müddes̱irde wa‑rabbaka fa‑kabbir // ilā ġayri ẕālik. Pes maʿlūm ola ki ʿilm‑i Qurʾān mecmaʿ‑i ʿulūm ve maqṣad‑i // ehl‑i rüsūm kān‑i güher ve deryā‑yi dürer şecere‑i meʿānī ve sermāye-i // rabbānī ḥabl‑i metīn nūr‑i mübīn şifā‑yi nāfiʿ żiyā‑yi lāmiʿ // ʿurve‑i vüs̱qā ʿiṣmet‑i müncīdür. Ṣuḥuf‑i Evvelīnde olan // envār‑i meʿānī bunuñ şemʿ‑i ṭomārında maṭvī ve zübür‑i // müteqaddimīnde yazılan esrār‑i rabbānī bunuñ estār‑i // rümūzātında muḫtefīdür ki: Wa‑lā raṭbin wa‑lā yābisin illā fī // kitābin mubīn. ʿAbdullāh ibn Mesʿūd buyurur ki Man arāda l‑ʿilma fa‑l‑yatafattaš // mina l‑Qurʾāni fa‑inna fīhi ʿilma l‑awwalīna wa‑ // l‑āḫirīna. Ve sāyir fünūn‑i kitāb ʿilm‑i qırāʾate nisbet ile // mes̱ābe-i nūr‑i āftābdur ki baʿżı taqdīm ve baʿżı teʾḫīr olınmışdur // qable ṭ‑ṭulūʿ olan nūr ile baʿde l‑ġurūb olan nūr // gibi. Yoḫsa böyle degüldür ki taqdīm olınan fünūnuñ mezīyet‑i